У Вікіпедыі ёсць артыкулы пра іншых асоб з прозвішчам Дзюма.
Марлен Дзюма (афрык. і нідэрл. Marlene Dumas; нар. 3 жніўня 1953, Кейптаўн, Паўднёвая Афрыка) — сучасная галандская мастачка паўднёваафрыканскага паходжання. У 1976 годзе пераехала ў Нідэрланды, жыве і працуе ў Амстэрдаме.
У 1972—1975 гадах вучылася Кейптаўнскім універсітэце. У 1976—1978 гадах — Atelier 63, Харлем, Нідэрланды. У 1979—1980 гадах — Інстытут псіхалогіі, Універсітэт Амстэрдама.
Марлен Дзюма стала вядомая дзякуючы экспрэсіўным партрэтам і фігуратыўным працам, заснаваным на палароідных здымках і фатаграфіях з газет і часопісаў. Для творчасці мастачкі ўласціва трывожная палітра і правакацыйныя вобразы, звязаныя з рознымі грамадскімі табу. У 1995 годзе Марлен Дзюма прадстаўляла Галандыю на Венецыянскай біенале. У 2007 мастачка атрымала Дзюсельдорфскую прэмію ($75 000) за ўклад у сучаснае мастацтва. Марлен Дзюма належыць аўкцыённы рэкорд для жывучай жанчыны-мастака — 6,34 мільёна долараў, усталяваны ў 2008. Карціна «Наведвальнік» (The Visitor) была прададзена на аўкцыёне Сотбіс. На палатне 180×300 см намалявана група з шасці жанчын-працаўніц секс-індустрыі.