У Вікіпедыі ёсць артыкулы пра іншых асоб з прозвішчам Галубцоў. Марк Ануфрыевіч Галубцоў (21.04.1904—29.12.1988) — беларускі ўрач-хірург. Кандыдат медыцынскіх навук (1948). Заслужаны ўрач Беларускай ССР (1968)[1].
Скончыў у 1925 годзе Магілёўскі медыцынскі тэхнікум, у 1932 годзе Мінскі дзяржаўны медыцынскі інстытут. У 1932—1936 гадах працаваў галоўным урачом бальніцы на торфазаводзе «Асінторф» (Дубровенскі раён), у 1936—1940 гадах урачом-хірургам у Аршанскай гарадской бальніцы[1].
Удзельнік партызанскага руху ў гады Вялікай Айчыннай вайны[1].
У 1944—1948 гадах працаваў у Мінскім дзяржаўным медыцынскім інстытуце асістэнтам кафедры агульнай хірургіі, у 1949—1954 гадах галоўным хірургам у Аддзеле аховы здароўя выканаўчага камітэта Баранавіцкага абласнога Савета дэпутатаў працоўных, у 1954—1967 гадах галоўным хірургам у Аддзеле аховы здароўя выканаўчага камітэта Гродзенскага абласнога Савета дэпутатаў працоўных, у 1960—1974 гадах дацэнтам кафедры агульнай хірургіі Гродзенскім дзяржаўным медыцынскім інстытуце[1].