Мані́лія (Monilia) — род недасканалых грыбоў.
Міцэлій грыба праніэвае пашкоджаныя органы. Аднаклетачныя канідыі фарміруюцда на канідыяносцах, размешчаных групамі накшталт шаравата-бурага налёту або даволі шчыльных падушачак, раскіданых ці ў канцэнтрычных кругах. Зімуе ў пашкоджаных органах і муміфікаваных сухіх пладах.
Адрозніваецца некалькі дзясяткаў відаў. Пашыраны ўсюды. На Беларусі адзначаны манілія пладовая (Monilia fructigena) — узбуджальнік пладовай гнілі семечкавых і костачкавых пладовых парод, манілія шэрая (Monilia cinerea) — выклікае вясной маніліяльны апёк (маніліёз) у выглядзе засыхання кветак, лісця і парасткаў, а ў летне-асенні перыяд — паяўленне шэрай гнілі на пладах.