Малая берагавая ла́стаўка, ці проста Малая ластаўка (Riparia paludicola) — птушка роду берагавыя ластаўкі (Riparia) з сямейства Ластаўкавыя (Hirundinidae).
Невялікая пералётная птушка, драбнейшая за вераб’я. Афарбоўка верхняй боку цела буравата-шэрая, ніжні бок цела бялёсы, хвост амаль не мае выразкі.
Выдае нягучнае ціўканне.
Жывуць у Афрыцы і Паўднёва-Усходняй Азіі ў далінах рэк з абрывістымі берагамі.
Сілкуюцца казуркамі, якіх ловяць, лётаючы.
Птушкі трымаюцца калоніямі, для гнёздаў ластаўкі рыюць норы на берагавых абрывах. Самка адкладае ад 2 да 6 белых яйкаў. Наседжваюць птушанят абодва бацькі на працягу 18-22 сутак.
Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх. |