У Вікіпедыі ёсць артыкулы пра іншых асоб з прозвішчам Уітлак. Макс Энтані Уітлак (англ.: Max Antony Whitlock, нар.13 студзеня 1993) — англійскі гімнаст, двухразовы алімпійскі чэмпіён, чэмпіён Еўропы, прызёр чэмпіянатаў свету.
Нарадзіўся ў 1993 годзе ў Хемел Хэмпстыдзе ў графстве Хартфардшыр. У 2010 годзе стаў уладальнікам двух сярэбраных і аднаго бронзавага медалёў Гульняў Садружнасці ў Дэлі. У 2012 годзе стаў чэмпіёнам Еўропы і двухразовым бронзавым прызёрам Алімпійскіх гульняў у Лондане. У 2013 годзе заваяваў залаты, сярэбраны і бронзавы медалі чэмпіянату Еўропы, і сярэбраны медаль чэмпіянату свету. У 2014 годзе стаў уладальнікам трох залатых, сярэбранага і бронзавага медалёў Гульняў Садружнасці ў Глазга, сярэбранага медалю чэмпіянату свету, а таксама залатога і сярэбранага медалёў чэмпіянату Еўропы.