Максіміліян III Габсбург (12 кастрычніка 1558 ў Вінер-Нойштат — пам. 2 лістапада 1618 ў Вене) — эрцгерцаг аўстрыйскі з дынастыі Габсбургаў, трэці сын імператара Свяшчэннай Рымскай імперыі Максіміліяна II і Марыі Іспанскай.
У 1587 годзе прэтэндэнт на польскую карону; быў абраны адной з партый шляхты, пасля абрання Жыгімонта Вазы пачаў няўдалую інтэрвенцыю ў Польшчу; канчаткова быў пераможаны Янам Замойскім пры Бычыне і быў узяты ў палон і зняволены ў Бэндзінскім замку.
У 1589 годзе адмовіўся ад правоў на польскі трон. З 1590 года быў вялікім магістрам Тэўтонскага ордэна.