У паняцця ёсць і іншыя значэнні, гл. Майка. Майка — нацельнае адзенне без рукавоў, ніжняя (сподняя) бялізна. Можа выкарыстоўвацца як частка спартыўнай формы ў некаторых відах спорту.
Першыя майкі шылі з бавоўны, у нашы дні майка можа быць пашытая з мноства матэрыялаў.
Дзякуючы Джорджу Масану майкі набылі папулярнасць у ЗША прыкладна ў сярэдзіне 1980-х гадоў. Існуе меркаванне, што майкі сталі папулярнымі дзякуючы рок-зоркам, якія надзявалі іх на сваіх канцэртах, прыклад зорак перанялі фанаты. Тым не менш, майка часта з’яўлялася і на кінаэкранах, выгадна дэманструючы сілу, моц, мужнасць і рашучасць кінагероя.
Як верхняя вопратка, майка стала асабліва папулярнай у кліматычна гарачых рэгіёнах Амерыкі ў 80-я гады XX стагоддзя, а ў некаторых краінах яна лічыцца цалкам прымальным убраннем для выхаду ў людзі.
Несумненна, безрукаўкам аддаюць перавагу жыхары краін з вельмі цёплым кліматам, бо тонкая тканіна і адсутнасць рукавоў спрыяюць добрай вентыляцыі.