Мадэст Кушарт (кат. Modest Cuixart i Tàpies, 2 лістапада 1925, Барселона — 31 кастрычніка 2007, Паламос) — каталонскі мастак, стрыечны брат Антоні Тапіеса.
Скончыў Барселонскую акадэмію жывапісу. У 1948 увайшоў у групу Доу эль Сэт (кат. Dau al Set — Сёмая грань шасцігранніка), якую складалі Жуан Броса, Антоні Тапіес і інш.
У 1958 годзе яго персанальная экспазіцыя была прадстаўлена ў парыжскай галерэі Рэнэ Друэна, у 1959 годзе ён атрымаў першую прэмію на Біенале ў Сан-Паўлу, прыняў удзел у касельскай выставе documenta, у 1960 — у выставе іспанскага авангарда ў лонданскай галерэі Тэйт і музеі Гугенхайма.
З 1971 года жыў у Палафружэлі. Выставы яго работ праходзілі ў Парыжы, Мадрыдзе, Амстэрдаме, Токіа, Базелі, Мілане, Барселоне, Жэроне і інш. У 1988 годзе яго персанальныя экспазіцыі былі прадстаўлены ў Кобэ і Токіа.
У 1998 годзе ў Палафружэле быў створаны Фонд Кушарта.