Ляэнэ (эст.: Läänemaa або эст.: Lääne maakond) — павет у Эстоніі, знаходзіцца на крайнім захадзе мацерыковай часткі краіны. З поўначы і захаду абмываецца Балтыйскім морам. Мяжуе з паветамі Хар’ю на паўночным усходзе, Рапла на ўсходзе і Пярну на поўдні. Адміністрацыйны цэнтр — горад Хаапсалу. Павет у адміністрацыйным дачыненні дзеліцца на 1 горад і 11 воласцяў.
У склад павета ўваходзяць астравы Вормсі, Осмуссаар. Павет багаты на рэкрэацыйныя рэсурсы. Матсалускі запаведнік (476 км ²), батанічны заказнік.
Пасля нямецкага заваёвы у 1227 годзе, павет Ляэнэ зрабіўся цэнтрам Саар-Ляэнэскага біскупства, незалежнага княства ў межах Лівонскай канфедэрацыі. Часткі замка біскупа да гэтага часу захаваліся ў Хаапсалу.