Людміла Расціслаўна Выхрысценка (нар. 26 мая 1961, пас. Круглае, Бялыніцкі раён, Магілёўская вобласць) — беларускі ўрач, спецыяліст па ўнутраных хваробах. Доктар медыцынскіх навук (2014), прафесар (2016).
Скончыла Віцебскі медыцынскі інстытут (спецыяльнасць «Лячэбная справа», 1984).
Працавала ў Віцебскай абласной клінічнай бальніцы (1985—1998, алергалагічнае аддзяленне, урач); Віцебскім дзяржаўным медыцынскім універсітэце (з 1998, лячэбны факультэт, кафедра клінічнай імуналогіі і алергалогіі з курсам ФПК і ПК, асістэнт, з 2003 — дацэнт, з 2014 — прафесар, з 2015 — кафедра агульнай урачэбнай практыкі, загадчык кафедры).
Навуковыя інтарэсы: клінічная імуналогія; алергалогія; рэўматалогія; нефралогія.
Ганаровая грамата Міністэрства аховы здароўя Рэспублікі Беларусь (2006), нагрудны знак «Выдатнік аховы здароўя Рэспублікі Беларусь» (2015) і інш.