Людзві́наўскі сельсавет — былая адміністрацыйна-тэрытарыяльная адзінка ў складзе Даманавіцкага раёна Палескай вобласці. Цэнтр — вёска Людзвінаўка.
Утвораны 20 жніўня 1924 года як Яўтушкавіцкі сельсавет у складзе Азарыцкага раёна Мазырскай акругі БССР. Цэнтр — вёска Яўтушкавічы. 5 кастрычніка 1926 года цэнтр сельсавета перанесены ў вёску Людзвінаўка, сельсавет перайменаваны ў Людзвінаўскі. Пасля скасавання акруговай сістэмы 26 ліпеня 1930 года ў Азарыцкім раёне БССР. З 8 ліпеня 1931 года ў Парыцкім раёне БССР, з 12 лютага 1935 года ў Даманавіцкім раёне БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці. У 1939 годзе скасаваны.