У Вікіпедыі ёсць артыкулы пра іншых асоб з прозвішчам Калядзінскі. Леанід Уладзіміравіч Калядзінскі (17 лютага 1952, Мінск) — беларускі археолаг, кандыдат гістарычных навук (1991), дацэнт (1995).
Скончыў Беларускі дзяржаўны ўніверсітэт (1977). 3 1974 ў Інстытуце гісторыі НАН Беларусі, з 1992 — старэйшы навуковы супрацоўнік. 3 1995 дацэнт Беларускага педагагічнага ўніверсітэта імя Максіма Танка.
Старшы навуковы супрацоўнік Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.
Вывучае матэрыяльную культуру сярэдневечных беларускіх гарадоў: Брэста, Віцебска, Слуцка, Капыля. Удзельнічаў у раскопках, абследаваў помнікі археалогіі. У 1980—1981 браў удзел у падземных даследаваннях Мінскага Замчышча, у 1995 даследаваў курганы ў прадмесці Сухарава (Мінск). Аўтар шматлікіх навуковых і навукова-папулярных артыкулаў па археалогіі і гісторыі Беларусі, у тым ліку па старажытнасцях Мінска.