Ладдзя з Копыся — шахматная фігурка ладдзі XII ст. знойдзеная ў Копысі. Фігурка выразана з касці, у нізе мае прамавугольную аснову, а зверху — два фігурныя выступы. Выступы сімвалізвалі ўзнятыя крылы птушкі. У старажытнасці арабы па назве фантастычнай птушкі з персідскага казачнага эпасу называлі фігурку ладдзі рухам. Ладдзя з Копыся нагадвае арабскі «рух», але мае і свае асаблівасці.