Конкурс песні Еўрабачанне 2005 — 50-ы конкурс Еўрабачання, які прайшоў у сталіцы Украіны, Кіеве з 19 па 21 мая 2005. Украіна праводзіла гэты конкурс у сябе ўпершыню; права правесці яго было атрымана пасля таго, як у 2004 годзе ў турэцкім горадзе Стамбуле спявачка Руслана з кампазіцыяй «Wild Dances» заняла 1 месца, набраўшы ў фінале 280 балаў.
На конкурсе дэбютавалі Балгарыя і Малдова, а пасля шасцігадовай паўзы вярнулася Венгрыя. Таксама чакаўся дэбют Лівана, але ў выніку гэтая краіна не прыняла ўдзел у конкурсе.
Перамогу атрымала Грэцыя, якую прадстаўляла спявачка Хелена Папарызу з песняй «My Number One».