wd wp Пошук: ⬜

Кобрынскі дзяржаўны політэхнічны каледж

Кобрынскі дзяржаўны політэхнічны каледж (КДПК) — сярэдняя спецыяльная навучальная ўстанова ў Кобрыне, размяшчаецца па вул. Дзяржынскага, 54.

Тэхнічнае вучылішча № 156 народных мастацкіх промыслаў у Кобрыне адкрыта ў 1982 годзе загадам Дзяржаўнага Камітэта БССР. Займалася падрыхтоўкай маладых рабочых высокай кваліфікацыі для мастацкіх прадпрыемстваў, аб’яднанняў і майстэрняў[1].

У 1984 годзе ў адпаведнасці з рэформай прафесійнай школы вучылішча было рэарганізавана ў Сярэдняе прафесійна-тэхнічнае вучылішча № 105 народных мастацкіх промыслаў (СПТВ № 105 НМП), а ў 1989 годзе ў ПТВ № 105 НМП. 20 красавіка 1985 года пастановай калегіі Дзяржкамітэта БССР па прафтэхадукацыі было прысвоена званне «Вучылішча высокай культуры»[1].

У 1992 годзе адкрыты новыя тыпавыя навучальныя майстэрні, што спрыяла стварэнню спрыяльных умоў для падрыхтоўкі кваліфікаваных рабочых. 1 верасня 1996 года ПТВ № 105 НМП ператворана ў Вышэйшае прафесійнае вучылішча выяўленчага мастацтва і народных мастацкіх промыслаў (ВПВ ВМ і НМП). У верасні 2001 года вучылішча ператворана ў Кобрынскі прафесійна-тэхнічны каледж выяўленчага мастацтва і народных мастацкіх промыслаў. У лістападзе 2003 года перайменаваны ў Кобрынскі дзяржаўны мастацкі прафесійна-тэхнічны каледж[1].

На падставе рашэння Брэсцкага абласнога выканаўчага камітэта № 827 ад 27.11.2013 Кобрынскі дзяржаўны мастацкі прафесійна-тэхнічны каледж рэарганізаваны ў Кобрынскі дзяржаўны політэхнічны каледж[1].

Агульная плошча тыпавых навучальна-вытворчых майстэрняў каледжа складае 3437 м², яны абсталяваны адпаведным тэхналагічным абсталяваннем. Абсталяваны механічныя, сушыльныя і іншыя дапаможныя і службовыя памяшканні. Майстэрні даюць магчымасць выпускаць прадукцыю, выконваць заказы[1].

Спецыяльнасці і спецыялізацыі

• Выкананне будаўніча-мантажных і рамонтных работ;
  • Арматуршчык;
  • Муляр;
  • Цясляр-бетоншчык;
• Санітарна-тэхнічнае абсталяванне будынкаў і збудаванняў;
  • Мантажнік санітарна-тэхнічных сістэм і абсталявання;
• Тэхналогія зварачных работ;
  • Электрагазазваршчык;
• Апрацоўчыя будаўнічыя работы;
  • Абліцоўшчык-плітачнік;
  • Тынкоўшчык;
  • Маляр (будаўнічы);
• Эксплуатацыя абсталявання і тэхналогія дрэваапрацоўчых вытворчасцейм
  • Станочнік дрэваапрацоўчых станкоў;
  • Абіўшчык мэблі;
• Дэкаратыўна-прыкладное мастацтва;
  • Вытворца мастацкіх вырабаў з керамікі;
  • Разьбяр па дрэве і бяросце;
• Мастацка-афарміцельскія работы і дызайн інтэр’ераў;
  • Выканаўца мастацка-афарміцельскіх работ;
• Цырульнае мастацтва і дэкаратыўная касметыка;
  • Майстар па манікюры;
• Прамысловае і грамадзянскае будаўніцтва (вытворчая дзейнасць);
  • Будаўніцтва і эксплуатацыя будынкаў і збудаванняў;
• Тэхналогія дрэваапрацоўчых вытворчасцяў;
  • Тэхналогія мэблевай вытворчасці;
• Абслугоўванне і эксплуатацыя жылых дамоў (па кірунках);
  • Спецыяліст па комплексным абслугоўванні і эксплуатацыі жылых дамоў.

Дырэктары

• Васілій Мікалаевіч Дземідовіч
• З 11 кастрычніка 2016 — Аляксандр Пятровіч Юшчук.

Зноскі

1. 1 2 3 4 5 Гісторыя УА «Кобрынскі дзяржаўны мастацкі прафесійна-тэхнічны каледж» Архівавана 20 жніўня 2019.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйны сайт

Тэмы гэтай старонкі (7):
Катэгорыя·1982 год у Беларусі
Катэгорыя·Каледжы Беларусі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Навучальныя ўстановы, заснаваныя ў 1982 годзе
Катэгорыя·Каледжы паводле алфавіта
Катэгорыя·Навучальныя ўстановы Брэсцкай вобласці
Катэгорыя·Кобрын