Кліфард Чарлз Дэвлін Торбурн, вядомы як Кліф Торбурн (англ.: Cliff Thorburn; нар. 16 студзеня 1948, Вікторыя, Брытанская Калумбія, Канада) — канадскі былы прафесійны гулец у снукер. Былы лідар сусветанага рэйтынгу і чэмпіён свету 1980 года, адзін з трох чэмпіёнаў свету па снукеры, якія не прадстаўлялі Вялікабрытанію (разам з Кенам Доэрці і Нілам Робертсанам). За сваю прафесійную кар’еру два разы выконваў максімальную серыю ў 147 ачкоў (уключаючы першую максімальную серыю ў гісторыі чэмпіянатаў свету ў 1983 годзе).