Клімок, Гарна-Звоня — ручай у Валожынскім раёне Мінскай вобласці і Іўеўскім раёне Гродзенскай вобласці Беларусі, левы прыток ракі Чарніца[1] (басейн Нёмана).
Даўжыня 15 км, з іх 12[1] км на тэрыторыі Валожынскага раёна. Плошча вадазбору 76 км². Сярэдні нахіл воднай паверхні 1,9 м/км. Пачынаецца за 1,5 км на паўднёвы захад ад вёскі Янішкі, цячэ па забалочанай, лясістай мясцовасці, упадае ў Чарніцу ніжэй хутара Будзішча (Іўеўскі раён). Вадазбор нізінны. Асноўны прыток — рака Гасток (Гастак, канал Багданаўскі)[1].