Клаўдзія Шыфэр (нарадзілася 25 жніўня 1970) — нямецкая топ-мадэль.
Нарадзілася ў Райнбергу, расла ў Дзюсельдорфе. Дэбютавала ў 1987 годзе пасля таго, як пазнаёмілася ў начным клубе з дырэктарам мадэльнага агенцтва Metropolitan. Клаўдзія пераехала ў Парыж і знялася для вокладкі часопіса Elle. Затым атрымала выгодны кантракт на паказ мадэляў ад дому Chanel. Кантракт з Chanel, рэкламная кампанія для Guess Jeans, некалькі доўгатэрміновых кантрактаў з Revlon зрабілі яе адной з самых высокааплатных мадэляў у свеце.