Класічная філалогія — комплекс навук пра старажытную Грэцыю і Рым. Непасрэдны прадмет вывучэння класічнай філалогіі — класічныя мовы, старажытнагрэчаская і лацінская, а таксама ўсё, што на іх напісана: сачыненні старажытных паэтаў, пісьменнікаў, філосафаў, гісторыкаў, юрыстаў, палітыкаў, вучоных і г.д. Класічная філалогія — не проста адна з філалагічных дысцыплін; яна працягвае традыцыі антычнай вучонасці, злучаючы дасягненні апошняй з найноўшымі філалагічнымі метадамі.