Кафірніга́н (тадж.: Кофарниҳон) — рака ў Таджыкістане і на мяжы з Узбекістанам, правы прыток ракі Амудар’я.
Даўжыня ракі 387 км. Плошча вадазбору 11 600 км². Сярэдні расход вады 156 м³/с. Выток ракі знаходзіцца на Гісарскім хрыбце. Працякае па Гісарскай даліне і ў гарах на захадзе ад яе. Сілкаванне пераважна снегавое. На рацэ знаходзіцца горад Вахдат. У даліне Кафірнігана — сталіца Таджыкістана горад Душанбэ.