Кафедральны сабор Марыестада (шведск.: Mariestads domkyrka) — прыхадская царква Марыестада. З’яўлялася кафедрай суперінтэндэнцыі, пакуль у 1648 года гэта царкоўная структура не была рэарганізавана. Аднак як і за Кальмарскім саборам за царквой захавалася назва кафедральнага сабора.
Марыестад быў заснаваны ў 1583 годзе герцагам Карлам. Ужо праз два гады горад стаў дыяцэзіяльным цэнтрам. Будаўніцтва сабора пачалося ў 1593 годзе ў традыцыйным гатычным стылі. Архітэктурнай асаблівасцю будынка, у адрозненне ад іншых гатычных цэркваў, з’яўляецца тое, што ён складаецца толькі з шырокага нефа, што зручней для пропаведзяў, якія сталі важнай часткай набажэнстваў у перыяд Рэфармацыі. Сучасныя кафедра і алтар былі створаны пасля пажару 1693 года.