Каро́ўе — возера ў Столінскім раёне Брэсцкай вобласці, за 37,5 км на паўночны ўсход ад горада Столін, за 1,4 км на паўночны ўсход ад вёскі Мачуль, адносіцца да басейна ракі Прыпяць.
Плошча паверхні 0,03 км², даўжыня 1,2 км, шырыня 0,05 км. Даўжыня берагавой лініі 2,5 км.
Возера старычнага тыпу. На захадзе і ўсходзе злучана з сістэмай меліярацыйных каналаў і праз яе з рэкамі Прыпяць і Маства. Мясцовасць нізінная, бязлесная, часткова пад хмызняком, на поўдні балоцістая.
