У Вікіпедыі ёсць артыкулы пра іншых асоб з прозвішчам Жураўскі.
Караль Жураўскі (1903 — 1994, Урацлаўскае ваяводства, Польшча) — рымска-каталіцкі святар, краязнавец.
Перад 2-й сусветнай вайной быў святаром у мястэчку Крошын. Збіраў успаміны і дакументы пра паэта з Крошына П. Багрыма, зрабіў фотакопіі адпаведных дакументаў. Падрыхтаваў рукапіс па гісторыі мястэчка.
Арыштаваны савецкімі ўладамі ў 1940 годзе. Пасля вайны пасяліўся ў Польшчы. У 1988 годзе даслаў у Інстытут літаратуры АН БССР захаваныя ім матэрыялы пра П. Багрыма і свой рукапіс пра гісторыю сям’і паэта.