Караеды[1], Забалоннікі[2] (Scolytinae) — група жукоў, якая раней разглядалася ў якасці сямейства Scolytidae, але ў цяперашні час паніжаная ў рангу да падсямейства.
Адпаведна, былыя падсямействы тлумачацца як надтрыбы або асобныя трыбы: забалонікі (Scolytini) або скаліты, лубаеды (Hylesinini) і Platypini.
Сямейства караедаў складаецца з 140 відаў еўрапейскай фаўны (на Беларусі каля 70 відаў), а ўсяго апісана іх больш за 750 відаў. Яны адносяцца да групы чатырохсустаўных жукоў (Tetramera) і прымыкаюць ў ёй вельмі блізка да сямейства шашолак (Curcuilionidae). Самыя буйныя з караедаў ледзь дасягаюць 8 мм у даўжыню, самыя дробныя не больш 1 мм. У тропіках сустракаюцца віды больш за 1,5 см у даўжыню.