Канстанцін Максімавіч Семянтоўскі-Курыла (?—?) — украінскі даследчык гісторыі, этнаграфіі і фальклору. Малодшы сын памешчыка Палтаўскай губерні Максіма Піліпавіча С.-К. Скончыў Нежынскі ліцэй.
Блізкі з украінскімі гісторыкамі Р. Квіткам-Аснаўяненкам, І. Сразнеўскім, М. Кастамаравым. Першы артыкул — «Нарыс маларасійскіх павер’яў і звычаяў, што тычыцца святаў» (часопіс «Молодик», 1843), фактычна ўводзіны да яго ж вялікай працы «Заўвагі пра святы ў маларасіян». Збіральнік фальклорных матэрыялаў (апублікаваныя А. М. Семянтоўскім у 1851). Аўтар шэрагу прац па эканамічных, палітычных і інш. пытаннях.