У Вікіпедыі ёсць артыкулы пра іншых асоб з прозвішчам Кулінковіч. Канстанцін Антонавіч Кулінковіч (7 лістапада 1919, г. Ішым Цюменскай вобл., Расія — 8 кастрычніка 1998) — беларускі вучоны ў галіне педагогікі. Доктар педагагічных навук, прафесар (1973). Заслужаны дзеяч фізічнай культуры Беларусі (1967).
Скончыў Беларускі інстытут фізічнай культуры (1948), дзе і працаваў (у 1953—62 загадчык кафедры, з 1970 рэктар). У 1962—70 загадчык кафедры, з 1977 прафесар Беларускага педагагічнага інстытута.
Навуковыя лрацы па праблемах гісторыі педагогікі, арганізацыі і сацыяльнай ролі спорту. Адзін з аўтараў кніг «Савецкі алімпіец: сацыяльны партрэт» (1979), «Фізічная культура і спорт Беларусі» (1988).