Канадская катлавіна, катлавіна Бофарта — падводная катлавіна ў заходняй частцы Паўночнага Ледавітага акіяна, каля берагоў Канады. На поўдні замыкаецца мацерыковым схілам Паўночнай Амерыкі, на поўначы — хрыбтом Мендзялеева, на захадзе і ўсходзе — падняццямі Чукоцкім і Альфа. Пераважныя глыбіні — 3000-3500 м, найбольшыя — 3879 м. Дно катлавіны — абісальная раўніна, укрытая гліністым глеем.