Кайшо́ўскі сельсавет — былая адміністрацыйна-тэрытарыяльная адзінка ў складзе Карэліцкага раёна Гродзенскай вобласці. Цэнтр — вёска Кайшоўка.
Утвораны 12 кастрычніка 1940 года як Асташынскі сельсавет у складзе Валеўкаўскага раёна (з 25 лістапада 1940 года Карэліцкі раён) Баранавіцкай вобласці БССР. Цэнтр — вёска Асташын. З 8 студзеня 1954 года ў складзе Гродзенскай вобласці. 16 ліпеня 1954 года перайменаваны ў Кайшоўскі сельсавет, цэнтр перанесены ў вёску Кайшоўка[1]. 2 снежня 1961 года скасаваны, тэрыторыя далучана да Цырынскага сельсавета.