Кавая (алб.: Kavaja, Kavajë) — горад у Цэнтральнай Албаніі, за 20 км на поўдзень ад Дурэса. Насельніцтва - 36 000 (2007). Адміністрацыйны цэнтр акругі Кавая. Размешчана за 8 км ад узбярэжжа Адрыятычнага мора. На ўсходняй ускраіне горада пачынаюцца пагоркі, якія цягнуцца да Тыраны. На захадзе таксама праходзіць невялікая града пагоркаў, якая аддзяляе горад ад мора. Паміж гэтымі пагоркамі ляжыць раўніна ад бухты Дурэса да ракі Шкумбіні.