«Заўтра была адліга» — кніга беларускага аўтара Віктара Шніпа. Жанр — проза, дзённікавы раман паэта. Выдадзена ў 2015 годзе выдавецтвам «Мастацкая літаратура».
Кніга складаецца з твораў нон-фікшн(руск.) бел. (сапраўдныя гісторыі) і вершаў Віктара Шніпа[1]. Гэта паўтара года асабістага жыцця аўтара (2013—14 гг.), побытавыя дзённікавыя запісы, якія арганічна спалучаюцца з вершамі, мастацкімі замалёўкамі філасофскімі разважаннямі, лірычнымі адхіленнямі, цікавымі гісторыямі з выдавецкай практыкі[2]. Нягледзячы на такое спалучэнне жанраў і стыляў, кніга чытаецца як адзіны, суцэльны твор.
Першапачаткова твор часткова друкаваўся ў часопісе «Полымя» (2014, №7)[3]. У 2015 годзе выдадзена асобнай кнігай у выдавецтве «Мастацкая літаратура».