Залман Еўнавіч Абезгаўз (10 красавіка 1920, Лепель, Віцебская вобласць — 26 верасня 1988) — беларускі гісторык. Кандыдат гістарычных навук (1956).
Удзельнік Другой сусветнай вайны. У 1945 скончыў Беларускі дзяржаўны ўніверсітэт імя У. І. Леніна. З 1945 супрацоўнік Архіўнага ўпраўлення БССР. З 1948 па 1956 малодшы навуковы супрацоўнік аддзела гісторыі Беларусі перыяду капіталізму Інстытута гісторыі АН БССР. У 1956 абараніў кандыдацкую працу на тэму «Исторические предпосылки формирования пролетариата в Белоруссии (вторая половина XIX века)». З 1956 па 1988 працаваў старшым навуковым супрацоўнікам аддзела гісторыі Беларусі перыяду капіталізму Інстытута гісторыі АН БССР.
Даследаваў гісторыю рабочага класа Беларусі дарэвалюцыйнага перыяду.