Жан-Мішэль Андрэ Жар (фр. Jean-Michel André Jarre; 24 жніўня 1948, Ліён) — французскі кампазітар, адзін з піянераў электроннай музыкі, які грае ў асноўным на сінтэзатары, аўтар і пастаноўшчык грандыёзных светлавых шоў. Сусветную папулярнасць набыў дзякуючы альбому Oxygene (1976), які стаў класікай электроннай музыкі. Пачынаючы з 1979 года, правёў дзесяткі музычна-светлавых паказаў у розных кропках планеты.