Дэтэрмінатыў, таксама таксаграма або семаграма — ідэаграма, якая служыць для абазначэння граматычных катэгорый слоў у лагаграфічным пісьме. Не мае прамых аналагаў у гутарковай мове, хоць і можа з цягам часу пераходзіць з іерогліфа ў рэальныя словы. Функцыянальна падобныя да класіфікатараў ва ўсходне-азіяцкіх і знакавых мовах. Напрыклад, егіпецкія іерагліфічныя дэтэрмінатывы ўключалі сімвалы для абазначэння божастваў, людзей, частак цела, жывёл, раслін і абстрактных ідэй, якія палягчалі чытанне, але ніводны з іх не вымаўляўся.