Дхарма (санскр.: धर्म, dharma IAST, «закон», «правіла») — індыйскі філасофскі або рэлігійны тэрмін, які выкарыстоўваецца для абазначэння маральнага абавязку, абавязкаў чалавека ці, у больш агульным значэнні — шляхі набожнасці. Слова «дхарма» літаральна перакладаецца як «тое, што ўтрымлівае ці падтрымлівае» (ад кораня дхр - «трымаць»), і звычайна перакладаецца на беларускую мову як «закон» і яго значэнне часта даецца як «універсальны закон быцця». У кантэксце індыйскіх моў тэрмін мае на ўвазе рэлігію чалавека. У большасці кірункаў індыйскай філасофіі дхарма выступае як цэнтральнае паняцце, якое выкарыстоўваецца для тлумачэння вышэйшай ісціны. У індыйскім гісторыка-філасофскім кантэксце тэрмін «дхарма» заўсёды увасабляў правільныя паводзіны ў жыцці ў адпаведнасці са Сусветнымі законамі. Сімвал дхарма - дхармачакра - цэнтральны матыў ў нацыянальным сцягу Індыі.