Думай — горад у правінцыі Рыау, на востраве Суматра, Інданезія. Насельніцтва — 265 208 чал. (паводле ацэнкі 2009 года)[3].
Этнічны склад горада вельмі разнастайны[4]. У горадзе пражываюць малайцы, яванцы, кітайцы, батакі, бугісы і іншыя народы[4].
Горад з’яўляецца буйным гандлёвым цэнтрам. У Думае знаходзіцца порт[5], праз які ажыццяўляецца экспарт розных тавараў, напрыклад, пальмавага алею, але, у першую чаргу, нафты. Сярэднегадавыя тэмпы эканамічнага росту ў Думае ў 2000-х г. склалі каля 8 %. Хутка развіваюцца будаўнічы сектар і сфера паслуг[6]. Тым не менш, аснову эканомікі горада складае здабыча нафты і прыроднага газу. Горад абслугоўваецца аэрапортам Пінанг-Кампай[7].