«Дзікія кошкі Барсума» — беларускі фантастычны раман, які быў напісаны Генадзем Аўласенкам у 2009 годзе і выдадзены ў серыі «Беларуская сучасная фантастыка» выдавецтвам «Харвест».[1][2][3]
Барсум — таямнічая планета, пра якую вядома толькі тое, што кіруюць там жанчыны, якiя завуць сябе дзікімі кошкамі. І гэта не проста словы. Дзікія кошкі Барсума — амазонкі, ніндзя, суперагенты для выканання звышсакрэтных і звышскладаных касмічных аперацый. На Барсуме ёсць і мужчыны, але становішча іх там незайздроснае. Фермерская планета Аграполіс — поўная супрацьлегласць Барсуму. Жанчыны тут наогул нізведзеныя да стану хатняй жывёлы. Яны на планеце — звычайны тавар, які па неабходнасці купляюць мясцовыя фермеры. І існуе яшчэ «Фірма» — звышмагутная галактычная арганізацыя, якя гандлюе жанчынамі. Аднойчы інтарэсы Барсума і «Фірмы» сутыкнуліся на Аграполісе — невялікай фермерскай планеце, якая, здавалася б, не павінна ўяўляць асаблівага інтарэсу для магутных суседзяў.