Дзмітрый Давыдавіч Грыншпан (нар. 22 ліпеня 1948, Казань, Расія) — беларускі хімік, спецыяліст у галіне хіміі высокамалекулярных злучэнняў і фізічнай хіміі. Доктар хімічных навук (2006), прафесар (2008).
Скончыў Беларускі дзяржаўны ўніверсітэт (спецыяльнасць «Хімія», 1971).
Працуе ў Беларускім дзяржаўным універсітэце (з 1971, Навукова-даследчы інстытут фізіка-хімічных праблем, лабараторыя раствораў цэлюлозы і прадуктаў іх перапрацоўкі, з 1988 — загадчык лабараторыі, у 1980—1985 — загадчык сектара мадыфікаваных валокнаў і плёнак лабараторыі фізічнай хіміі цэлюлозы).
Навуковыя інтарэсы: хімія высокамалекулярных злучэнняў; фізіка-хімія раствораў палімераў і прадуктаў іх перапрацоўкі.
Нагрудны знак «Вынаходнік СССР» (1985).