Джордж Стэфенсан, таксама Джордж Стывенсан[1] (анг. George Stephenson; 9 чэрвеня 1781, Уілэм, графства Нортамберленд - 12 жніўня 1848, Чэстэрфілд, графства Дэрбішыр) — англійскі вынаходнік, інжынер-механік.
Сусветную вядомасць набыў дзякуючы вынайдзенаму ім паравозу “Ракета”. Лічыцца адным з «бацькоў» чыгункі. Абраная ім шырыня каляіны рэйкавага пуці, роўная 1435 мм (4 фута 8 ½ цаляў, так званая «Стефенсанаўская» або «нармальная каляіна»), стала самай распаўсюджанай у Заходняй Еўропе і да гэтага часу з’яўляецца стандартам на чыгунках многіх краін свету.