Джон Гудрайк (17 верасня 1764 — 20 красавіка 1786) — англійскі астраном, член Лонданскага каралеўскага таварыства. Глуханямы ад нараджэння. З 18 гадоў праводзіў (сумесна з англійскім астраномам Э. Пігатам) сістэматычныя пошукі і назіранні пераменных зорак. Высунуў (1782) правільную гіпотэзу аб сапраўднай прыродзе пераменнасці Алголя (b Персея), адкрыў (1784) некалькі пераменных зорак (напрыклад, d Цэфея, якая аказалася родапачынальніцай важнага класа фізічных зменных зорак — цэфеід).