Грузінскі ўніверсітэт Святога Андрэя Першазванага
Грузінскі ўніверсітэт Святога Андрэя Першазванага (груз. საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი) — грузінская вышэйшая навучальная ўстанова са статусам універсітэта і з сядзібай у горадзе Тбілісі, падпараткаваная Патрыярхіі Грузінскай Праваслаўнай Царквы.
Агульная характарыстыка
Універсітэт як некамерцыйнае юрыдычная асоба быў заснаваны 12 кастрычніка 2008 года па благаславенні Каталікоса-Патрыярха Грузіі Іллі ІІ. Асноўнай задачай універсітэта з’яўляецца, акрамя прадастаўлення фундаментальнай адукацыі, падтрыманне духоўнасці, нацыянальных каштоўнасцяў, зацвярджэнне ідэі неаддзельнасці ад веры навукі і адукацыі, прыхільнасць грузінскай сістэме мыслення і бесперапыннаму творчаму працэсу. Асноўным напрамкам дзейнасці універсітэта з’яўляецца рэалізацыя вучэбнай праграмы ўсіх трох узроўняў вышэйшай адукацыі і правядзенне навуковых даследаванняў. Усе адукацыйныя праграмы, якія дзейнічаюць у цяперашні час ва ўніверсітэце, атрымалі дзяржаўную акрэдытацыю. Вышэйшым прадстаўнічым органам па кіраванні вучэбна-навуковай дзейнасцю універсітэта З’яўляецца Вучоны савет. Вучоны савет складаецца з членаў, якія выбіраюцца таемным галасаваннем на аснове прамых, роўных і свабодных выбараў прафесарска-выкладчыцкім складам кожнай школы. У кожнай школе ў вучоным савеце ёсць два прадстаўнікі. У склад Вучонага савета ўваходзіць кіраўнік Службы забеспячэння якасці універсітэта. Старшынёй Вучонага савета з’яўляецца рэктар універсітэта, прафесар Серго Вардасанідзэ, які быў прызначаны ў кастрычніку 2010 года Патрыярхам Іліёй II.
Структура
- Гуманітарная і юрыдычная школа
- Школа бізнесу, камп’ютарных і сацыяльных навук
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх- Афіцыйная інтэрнэт-старонка ўстановы
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Універсітэты Грузіі
Катэгорыя·Навучальныя ўстановы, заснаваныя ў 2008 годзе