У Вікіпедыі ёсць артыкулы пра іншых асоб з прозвішчам Бокій.
Глеб Іванавіч Бокій (21 чэрвеня (3 ліпеня) 1879, Тыфліс — 15 лістапада 1937, Масква) — рускі рэвалюцыянер, дзеяч савецкіх органаў дзяржаўнай бяспекі, адзін з першых супрацоўнікаў ВЧК, старшыня Петраградскай ЧК у перыяд пачатку «чырвонага тэрору» і яго арганізатар, камісар дзяржаўнай бяспекі 3-га рангу (1935). У 1921—1937 гадах узначальваў Спецаддзел ВЧК — АГПУ — НКУС, пазней перайменаваны ў 9-ы аддзел ГУДБ НКУС СССР — крыптааналітычнае падраздзяленне, якое займалася абаронай сакрэтнай інфармацыі і пытаннямі шыфравання і дэшыфравання паведамленняў.
Акрамя працы ў ВЧК — АГПУ — НКУС, Бокій быў вядомы як куратар Салавецкага лагера асаблівага прызначэння (СЛАП).