Герман Бідэр (нар. 21 кастрычніка 1941, в. Маркерсдорф, Пілах, Ніжняя Аўстрыя, Аўстрыя) — аўстрыйскі славіст. Экстраардынарны прафесар славянскага мовазнаўства Зальцбургскага ўніверсітэта, доктар філалагічных навук.
Скончыў Венскі ўніверсітэт па спецыяльнасцях «перакладчык рускай мовы» (1965) і «славянская філалогія і гісторыя Усходняй Еўропы» (1970). У 1969 г. ў Вене абараніў дысертацыю доктара філасофіі «Stanisław Brzozowski und die russische Literatur» (Станіслаў Бжазоўскі і руская літаратура). У 1985 г. у Зальцбургу абараніў габілітацыйную дысертацыю «Deutsche Wortbildungselemente in den slavischen Sprachen» (Нямецкія словаўтваральныя элементы ў славянскіх мовах).
Сферы зацікаўленняў — усходнеславянскае (беларускае, украінскае, расійскае) і польскае мовазнаўства.
Намеснік старшыні Міжнароднай асацыяцыі беларусістаў.