У Вікіпедыі ёсць артыкулы пра іншых асоб з прозвішчам Асвяцінскі. Геральд Баляслававіч Асвяцінскі (23 студзеня 1932, Ялізава, Асіповіцкі раён, Магілёўская вобласць — 12 мая 2006) — беларускі тэатральны дзеяч. Заслужаны дзеяч культуры БССР (1968).
У 1955 годзе закончыў БДУ, у 1965 годзе — Дзяржаўны інстытут тэатральнага мастацтва імя А. В. Луначарскага ў Маскве.
З 1955 года працаваў у Маладзечанскім абкаме камсамола, Глыбокскім райкаме камсамола, Гродзенскім аблвыканкаме начальнікам аддзела культасветустаноў і мастацтва, з 1963 г. начальнік Гродзенскага абласнога ўпраўлення культуры. У 1965—1994, 2001—2006 гг. дырэктар Беларускага тэатра імя Якуба Коласа; заснавальнік, а з 1994—2001 гг. — Беларускага тэатра «Лялька».