wd wp Пошук:
    ⬜

    Генрых Упсальскі

    Роберт Экман. Святы Генрых, які хрысціць фінаў

    Св. Генрых Упсальскі (? — каля 1156, Фінляндыя) — біскуп упсальскі, мучанік, адзін з дзеячаў хрысціянізацыі Фінляндыі. Прылічаны Каталіцкай царквой да ліку святых.

    Святы Генрых Упсальскі. Выява сярэдзіны XV стагоддзя
    Забойства Генрыха

    Гістарычна дакладнай інфармацыі пра жыццё Генрыха не захавалася, яго жыццё апісана толькі ў пазнейшых сярэднявечных крыніцах (найбольш познія з іх адносяцца да канца XIII стагоддзя). Паводле іх, ён быў родам з Англіі, прыбыў у Швецыю разам з будучыняй Папам Адрыянам IV. У Швецыі ён быў пасвечаны ў біскупы і атрымаў упсальскую кафедру. У 50-гады XII стагоддзя ён прыняў удзел у шведскім крыжовым паходзе, арганізаваным з мэтай хрысціянізацыі Фінляндыі шведскім каралём Эрыкам IX.

    Паводле тых жа крыніц пасля ад’езду караля і шведскай арміі Генрых Упсальскі застаўся ў Фінляндыі, будуючы цэрквы, а таксама хрысцячы і вучачы народ. Каля 1156 года (традыцыйная дата 20 студзеня 1156 года) ён быў забіты язычнікам Лалі на льду возера Кёюліёнярві(фін.) бел..

    Культ Генрыха Упсальскага хутка распаўсюдзіўся ў Швецыі. У канцы XIII стагоддзя ён ужо згадваецца ў царкоўных дакументах як святы. У XIV—XV стст. шанаванне Генрыха было ўжо шырока распаўсюджана ў шматлікіх краінах Паўночнай Еўропы.

    Каталіцкая царква святкуе памяць Святога Генрыха Упсальскага 19 студзеня. Святы Генрых — найбольш шануемы святы Каталіцкай царквы Фінляндыі, лічыцца заступнікам краіны. Таксама памяць Генрыха адзначаецца 19 студзеня ў некаторых пратэстанцкіх цэрквах.

    Зноскі

    Літаратура

    Спасылкі

    Тэмы гэтай старонкі (7):
    Катэгорыя·Каталіцкія святыя
    Катэгорыя·Памерлі 20 студзеня
    Катэгорыя·Рэлігійныя дзеячы Фінляндыі
    Катэгорыя·Святыя Фінляндыі
    Катэгорыя·Памерлі ў 1156 годзе
    Катэгорыя·Асобы
    Катэгорыя·Мучанікі