Генадзь Мікалаевіч Невыглас (нар. 11 лютага 1954, в. Парахонск, Пінскі раён, Брэсцкая вобласць) — беларускі ваенны і дзяржаўны дзеяч.
У 1975 годзе з адзнакай скончыў Маскоўскае вышэйшае памежнае каманднае вучылішча, ў 1989 годзе — памежны факультэт Вышэйшай школы КДБ СССР імя Ф. Э. Дзяржынскага.
У 1997—2000 — намеснік старшыні Дзяржаўнага камітэта памежных войскаў Беларусі, у 2000—2001 — начальнік Службы бяспекі Прэзідэнта Рэспублікі Беларусь, у 2001—2006 — дзяржаўны сакратар Савета бяспекі Рэспублікі Беларусь, у 2006—2008 — кіраўнік Адміністрацыі прэзідэнта Рэспублікі Беларусь.