Газавоз
Газавоз — судна для перавозкі звадкаваных газаў.
Адрозніваюць па прызначэнні, спосабу перавозкі звадкаванага газу, а таксама канструкцыі судна. Газавозы па прызначэнні падзяляюць на дзве групы: для звадкаваных нафтавых газаў — прапан-бутан і інш; для звадкаванага прыроднага газу (метан).
Цыстэрны (танкі) газавозаў падзяляюць на ўбудаваныя, мембранныя, паўмембранныя і ўкладныя. Убудаваныя — частка канструкцыі корпуса судна, мембранныя складаюцца з тонкай абалонкі, якая не нясе нагрузкі. Паўмембранныя маюць элементы першых і другіх. Укладныя цыстэрны — аўтаномныя ад корпуса. Форма газавых цыстэрнаў газавоза — прызматычная, сферычная, цыліндрычная і інш.
Упершыню перавозка звадкаваных газаў спецыяльнымі судамі была ажыццёўлена кампаніяй «Shell» у пачатку 1930-х гг. Сучасныя міжнародныя перавозкі звадкаванага газу складаюць каля 20 % агульнага аб’ёму прыроднага газу, які транспартуецца спажыўцам[крыніца?].
Акрамя таго, газавозамі называюць спецыяльныя грузавыя аўтамабілі, прызначаныя для перавозкі і запраўкі звадкаванымі вуглевадароднымі газамі аўтамабіляў або для зліву ў стацыянарныя ёмістасці газанапаўняльных станцый уласнай помпай па лічыльніку.
Гл. таксама
Спасылкі
На Вікісховішчы ёсць медыяфайлы па тэме Газавоз- Газовоз(недаступная спасылка) // Вялікая савецкая энцыклапедыя (руск.)
Катэгорыя·Артыкулы са сцвярджэннямі без крыніц
Катэгорыя·Газавая прамысловасць
Катэгорыя·Грузавыя судны
Катэгорыя·Вікіпедыя·Артыкулы з непрацоўнымі спасылкамі
Катэгорыя·Тыпы цывільных суднаў