Віцебскі манетны скарб — манетны скарб, знойдзены ў Віцебску ў 1926 г. на тэрыторыі саду імя У. І. Леніна (сучасны Парк Партызанскай славы імя Міная Шмырова) ў час правядзення будаўнічых работ па ўмацаванні берага Заходняй Дзвіны. З’яўляецца адным з буйнейшых скарбаў XV стагоддзя, знойдзеных на тэрыторыі Беларусі[1].
У гліняным гаршку змяшчаліся 792 грошы пражскія сярэдзіны XIV — XV стст. Сярод манет Вацлава IV (1378—1419 гг.) 2 экз. з кантрамаркай г. Аўсбурга, 1 — Рэгенсбурга. Грош часоў кіравання Іржы з Подзебрадаў (1458—1471 гг.) — адзіная знаходка на тэрыторыі Беларусі. Большая частка скарбу (767 манет, 2000 г.) захоўвалася ў Віцебскім аддзяленні Беларускага дзяржаўнага музея, астатняя — у Беларускім дзяржаўным музеі (Мінск). Пасля 1941 г. лёс скарбу невядомы.