Віцебскае дзяржаўнае вучылішча алімпійскага рэзерву — сярэдняя спецыяльная навучальная ўстанова для падрыхтоўкі трэнераў-выкладчыкаў па розных відах спорту. Створана ў 1989 годзе ў Віцебску на базе школы-інтэрната спартыўнага профілю.
Прымае асоб з 7-га класа агульнаадукацыйнай школы. Пасля заканчэння курса сярэдняй школы на падставе конкурсных экзаменаў і спартыўных вынікаў асобныя вучні залічваюцца на 1-ы курс вучылішча. Тэрмін навучання па спецыяльнасці «трэнер-выкладчык» 2 гады.