Віртуальны музей савецкіх рэпрэсій у Беларусі
Віртуальны музей савецкіх рэпрэсій у Беларусі — некамерцыйны вуснагістарычны праект, прысвечаны тэматыцы палітычных рэпрэсій на тэрыторыі Беларусі на працягу савецкага перыяду.
Гісторыя стварэння
У 2007 годзе рух «Беларуская хрысціянская дэмакратыя» распачаў кампанію «Пакаянне», у межах якой адбываліся сустрэчы з былымі вязнямі лагероў, запіс іх успамінаў і збор матэрыялаў па тэме рэпрэсій [1].
У 2012 годзе ўтварылася самастойная грамадзянская ініцыятыва, якая на базе матэрыялаў, у тым ліку сабраных у межах кампаніі «Пакаянне», распачала стварэнне Віртуальнага музея савецкіх рэпрэсій у Беларусі.
У 2014 годзе створаны сайт віртуальнага музея [2]. На дадзены момант музей даступны толькі ў рэжыме анлайн і ўсе матэрыялы і экспанаты музея выстаўляюцца ў віртуальнай экспазіцыі.
Канцэпцыя музея
Музей карыстаецца падыходам вуснай гісторыі, дэманструючы ўспаміны жыхароў Беларусі, якія ад першай асобы распавядаюць пра рэпрэсіі ў савецкі час. Такім чынам, музей адлюстроўвае тую частку беларускай гісторыі, што слаба асветлена ў беларускай афіцыйнай гістарыяграфіі.
На дадзены момант экспазіцыя складаецца з сямі залаў:
- Савецкія міфы
- Храналогія рэпрэсій
- Ахвяры рэпрэсій
- Рэпрэсіўная сістэма
- Антысавецкі супраціў
- Рэабілітацыя
- Культура памяці
У якасці экспанатаў музея выступаюць аўдыё- і відэазапісы ўспамінаў рэпрэсаваных[3], фотаздымкі, дакументы і мапы, якія тычацца рэпрэсій у Беларусі. Таксама прадстаўлены гістарычныя артыкулы па тэме рэпрэсій і пошук інфармацыі пра рэпрэсаваных асоб на тэрыторыі БССР [4].
Партнёры
У якасці партнёраў дадзенага праекту выступаюць Фонд Конрада Адэнаўэра(недаступная спасылка)[5] і Беларускі архіў вуснай гісторыі[6].
Гл. таксама
Зноскі
- ↑ Кампанія БХД «Пакаянне»
- ↑
Радыё Рацыя - Створаны інтэрнэт-музей пра ахвяраў рэпрэсій(нявызн.). Праверана May 24, 2015. - ↑
Відэа-канал Віртуальнага музея рэпрэсій на Youtube(нявызн.). Праверана May 24, 2015. - ↑
Пошук рэпрэсаваных на сайце Віртуальнага музея савецкіх рэпрэсій(нявызн.). Праверана May 24, 2015. - ↑ (недаступная спасылка)Фонд Конрада Адэнаўэра(нявызн.). Праверана May 28, 2015.(недаступная спасылка)
- ↑
Пра праект Віртуальнага музея савецкіх рэпрэсій(нявызн.). Праверана May 24, 2015.
Спасылкі
- Cайт Віртуальнага музея савецкіх рэпрэсій у Беларусі
- Cайт Беларускага архіва вуснай гісторыі Архівавана 24 мая 2015.
Катэгорыя·Сайты Беларусі
Катэгорыя·Старонкі з няправільным сінтаксісам спасылак на крыніцы
Катэгорыя·Вікіпедыя·Артыкулы з непрацоўнымі спасылкамі
Катэгорыя·Рэпрэсіі ў БССР