Віла Лівіі
Віла Лівіі — старажытнарымская віла ў адным з раёнаў Рыма, Прыма-Порта.
У часы рымскай імперыі віла, пабудаваная ў I стагоддзі да н. э., звалася «У белых курэй» — Ad Gallinas Albas і, магчыма, належала жонцы імператара Аўгуста Лівіі. Віла дагэтуль цалкам не раскапана, бо ўчастак зямлі над вілай выкарыстоўваецца пад сельска-гаспадарчыя працы. На тэрыторыі вілы была знойдзена мармуровая статуя імператара Аўгуста, вядомая цяпер пад назвай «Аўгуст з Прыма Порта», а падобны тып імператарскіх выяў тыпам Прыма-Порта.
Па легендзе, жонцы імператара на калены звалілася белая курыца, якую выпусціў арол. У курыцы ў дзюбе была галінка лаўра, якую затым пасадзілі ў садзе. З лаўровай галінкі вырас лаўровы гай, з галінак гэтых дрэў сталі вырабляць лаўровыя вянкі для імператараў. Патомства белай курыцы вырошчвалася на віле, адсюль і яе назва.
Віла вядомая сваімі пышнымі фрэскамі (вышынёй 2, 72 м, даўжынёй 11, 70 м.) у зале — трыклініі, які цалкам упрыгожаны фрэскамі з выявай раслін, такіх кветак як ружы і хрызантэмы, дрэў — гранат, айва, лаўр, кедр, кіпарыс, алеандр і іншыя, каля 30 відаў птушак. Фрэскі знаходзяцца сёння ў Нацыянальным рымскім музеі ў Рыме.
Літаратура
- Siebler, Michael. Römische Kunst.
- Mazzoleni, Donatella. Domus. Wall Painting in the Roman House.
Гл. таксама
- Дом Лівіі — дом, які ўваходзіў у комплекс палаца Аўгуста, у якім, магчыма, жыла Лівія на Палаціне.
Спасылкі
-
На Вікісховішчы ёсць медыяфайлы па тэме Віла Лівіі
Катэгорыя·Архітэктура Старажытнага Рыма
Катэгорыя·Вілы Рыма